Heb 4 | Ndebele | STEP | Ngakho, kasesabe, hlezi, lapho sisekhona isithembiso sokungena ekuphumuleni kwakhe, kube khona omunye wenu obonakala esehluleka ukufinyelela kukho;

Hebrews 4

Ukungena ekuphumuleni kukaNkulunkulu

1 Ngakho, kasesabe, hlezi, lapho sisekhona isithembiso sokungena ekuphumuleni kwakhe, kube khona omunye wenu obonakala ^a esehluleka ^b ukufinyelela kukho; 2 ngoba lathi satshunyayezwa ivangeli, lanjengabo ^c; kodwa ilizwi abalizwayo ^{▼▼ lombiko: Gr., lokuzwiwa.} kalibasizanga bona, lokhu lingahlangananga lokholo ^e kulabo abalizwayo; 3 ngoba thina esikholwayo siyangena ekuphumuleni, njengoba watsho ukuthi ^f: Njengoba ngifungile ^g ekuthukutheleni kwami ngathi: Kabayikungena ekuphumuleni kwami; lanxa imisebenzi yayiqediwe kusukela ekusekelweni komhlaba ^h. 4 Ngoba utshilo ⁱ kwenye indawo ngosuku lwesikhombisa kanje: UNkulunkulu wasephumula ngosuku lwesikhombisa emisebenzini yakhe yonke ^j; 5 lakulindawo uthi futhi: Kabayikungena ekuphumuleni kwami ^k. 6 Ngakho lokhu kusalele ukuthi abanye bangene kukho, lalabo ^l abatshunyayezwa ivangeli kuqala kabangenanga ^m ngokungalaleli, 7 ubuya aqume usuku oluthile athi: Lamuhla, utsho ngoDavida ⁿ, emva kwesikhathi esingaka ^o, njengokwatshiwo ukuthi: Lamuhla ^p uba lizalizwa ilizwi lakhe, lingazenzi zibe lukhuni inhliziyo zenu. 8 Ngoba uba uJoshuwa wayebaphumuzile, wayengayikukhuluma emva kwalokhu ngolunye usuku. 9 Ngakho kubasalele abantu bakaNkulunkulu ukuphumula kwesabatha. 10 Ngoba ongenileyo ekuphumuleni kwakhe ^q laye usephumule emisebenzini yakhe, njengoNkulunkulu kweyakhe. 11 Ngakho asikhuthalele ukungena kulokhokuphumula, ukuze kungabi lowela kulesisibonelo ^{r
,} ^s sokungalaleli ^t. 12 Ngoba ilizwi likaNkulunkulu ^u liphilile, lilamandla ^v, libukhali ^w kulaloba yiyiphi inkemba esika nhlangothi zombili ^x, lihlaba kuze kube sekwehlukanisweni komphefumulo lomoya ^y, lamalunga lomnkantsho, njalo lingumhloli okhaliphileyo wemicabango ^z lezizindlo zenhliziyo ^aa. 13 Futhi kakulalutho oludaliweyo olungabonakaliyo phambi kwakhe ^ab; kodwa zonke izinto zembuliwe ^ac zisobala emehlweni akhe esilokuzilanda kuye.

UKristu ungumpristi omkhulu kakhulu

14 Ngakho lokhu silompristi omkhulu kakhulu ^ad, odlulele emazulwini ^ae, uJesu iNdodana kaNkulunkulu, asibambelele ^af kusivumo ^ag sethu. 15 Ngoba kasilaye ^ah umpristi omkhulu ^ai ongelakuzwelana lobuthakathaka bethu ^aj, kodwa owalingwa ^{ak
,} ^al kukho konke njengathi, engelasono ^am. 16 Ngakho ^an kasisondele ngesibindi ^ao esihlalweni sobukhosi somusa, ukuze semukele isihawu, sithole umusa wosizo ^ap ngesikhathi esifaneleyo.